Անրի Մատիս

Продолжить чтение «Անրի Մատիս»

Սեբաստացիական տոհմածառ Բլեյան գերդաստան

IMG-82198beac78b3d5fc4e665bc14ba380a-V.jpg

Աշոտ Բլեյան

Ծնվել է 1955 թվականի սեպտեմբերի 4-ին։ «Մխիթար Սեբաստացի» կրթահամալիրի տնօրենն է 1989թ.-ից։

Ավարտել է Երևանի պետական համալսարանը՝ ֆիզիկոսի որակավորմամբ։

1991թ. եղել է պատգամավորների Երևանի քաղաքային խորհրդի գործկոմի նախագահի տեղակալ։

1994-1995 թ.` ՀՀ լուսավորության նախարար, 1995-1996թ. ՀՀ ԿԳՆ առաջին փոխնախարար:

1994-2002 թթ.` «Նոր ուղի» հասարակական-քաղաքական կազմակերպության նախագահ։

1990 թ. ընտրվել է ՀՀ Գերագույն խորհրդի պատգամավոր։

1998 թ. եղել է ՀՀ նախագահի թեկնածու։

Տիար Բլեյանը հարավարևմտյան  թաղամասի՝ Բանգլադեշի թիվ 183 դպրոց է եկել 1985 թվականին։ Այդ մասին  տպավորիչ է պատմում հենց ինքը՝ տիար Բլեյանը․ «Դա մի փոքր երկար, բայց սիրելի պատմություն է: Երևանի պետական համալսարանի ֆիզիկայի ֆակուլտետից, որտեղ աշխատում էի, այսպիսի ծրագրով եմ անցել դպրոց: 1985 թվականի օգոստոսի վերջերն էին,  համախոհների փնտրտուքը ինձ բերեց հարավարևմտյան թաղամաս (Բանգլադեշ)` թիվ 183 նորաբաց դպրոցի տնօրեն, որին անվանում էին Աշոտների դպրոց, քանի որ փոխտնօրեններն իմ երկու ընկեր Աշոտներն էին` Աշոտ Մանուչարյանն ու Աշոտ Դաբաղյանը։ Եվ այս նոր յուրացվող տարածքում, որտեղ ամեն ինչ դեռ անկազմակերպ էր, իմ բախտը բերեց, որովհետև ինձ պես «խենթ» երկու Աշոտները իմ օգնականներն էին։ Եվ մենք` երեք Աշոտներով, տեսնելով, որ շատ հարմար պահ է գորբաչովյան վերակառուցումներից հետո, երբ խորհրդային ռեժիմը հոգեվարքի մեջ էր, օգտվեցինք այդ ազատությունից և 1989-ին Հայաստանի կառավարությանը կարողացանք համոզել ընդունել մեր կրթական նախագիծը: Ստեղծվեց «Մխիթար Սեբաստացի» կրթահամալիրը` որպես փորձարարական-հետազոտական միավորում, որպես անհատի հնարավորությունների, կարողությունների ու տաղանդի դրսևորման արդյունավետ միջավայր»:

Հետո  աշխատանքային երկար, տարիներ, մանակավարժական նոր մոտեցումներ, ստեղծագործական, աշխատանքային բազում հաջողություններ, ազգային արժեքները կարևորող  կրթության և փորձարարական, նորարական կրթության համաշխարհային փորձի ու ձևերի համադրում՝ այլընտրանքային ուսուցում, մեդիակրթություն, բլոգավարություն։ Նա մեզանում կրթության գործի մեծ կազմակերպիչ է։ Տիար Բլեյանի մանկավարժական  գաղափարներն անսպառ են, անսպառ է նաև նրա եռանդն ու աշխատասիրությունը։

ֆւիը

Տաթև Բլեյան
Ընկեր Տաթևը  ծնվել է 1980թ.-ի մարտի 11-ին, Երևանի հայտնի թաղամասերից մեկի՝ Առաջին մասի հայտնի եռանկյունի թաղամասում: Կրթահամալիրում է 1987 թվականից՝ երկրորդ դասարանից: Նա առաջին դասարան հաճախել է Լեոյի անվան թիվ 65 դպրոց։ Երբ 183 դպրոցի տնօրեն դարձավ հայրիկը՝ Աշոտ Բլեյանը, ընկեր Տաթևը քույրիկի՝ Լիլիթի հետ տեղափոխվեց կրթահամալիր՝ այստեղ ուսումը շարունակելու։  Նա նաև երեք տարի սովորել է  երաժշտական դպրոցում՝  դաշնամուրի բաժնում, և ինչպես ընկեր Տաթևն է ասում՝ այդքանով էլ ամփոփվել է իր կապը դաշնամուրի հետ: 1996 թ. կրթահամալիրի գիմնազիան ավարտելուց հետո նա  կրթությունը շարունակում է Երևանի թատրոնի և կինոյի պետական ինստիտուտում, սովորում ռեժիսուրայի բաժնում՝ Երվանդ Ղազանչյանի կուրսում։ Սովորելու ընթացքում և ավարտելուց հետո աշխատել է թատրոնում։ Խաղացել է մի շարք ներկայացումներում։ Կրթահամալիրի հետ կապված ընդմիջումը տևել է 1996-ից 2007 թվականը։ Վերադառնալով կրթահամալիր՝ նախ  Արևմտյան դպրոց-պարտեզի ծրագրի ղեկավարն է եղել, ապա իր գործունեությունը շարունակել է Քոլեջում  և մինչ օրս էլ Քոլեջի ծրագրի ղեկավարն է: Տաթև Բլեյանի համար կրթահամալիրը ընտանիքի իսկական դպրոց է։ Նա կարծում է, որ դա պայմանավորված է նրանով, որ դպրոցը հիմնադրվել  է Աշոտ Բլեյանի կողմից։ Տաթևի շատ քույր-եղբայրներ, զարմիկ-զարմուհիներ նույնպես սովորել, կրթվել, աշխատել են կրթահամալիրում ու  համոզված է, որ իրենց գերդաստանից դեռ շատերը  պետք է անցնեն այս ճանապարհը:

74579606_485231555427844_7809277960434745344_n

Սամվել Սերոբյան

Ընկեր Տաթևը  ամուսնացած է Սամվել Սերոբյանի հետ։ Սամվելը նույնպես աշխատանքային գործունեությամբ կապված է կրթահամալիրի հետ։ Նա անհատ ձեռներեց է, սպասարկում է կրթահամալիրի տրանսպորտային ցանցը։ Ընկեր Տաթևի երեխաները՝  Արևիկն ու Վահանը, նույնպես կրթահամալիրում են։  Արևիկն այս պահին սովորում է ավագ դպրոցի 11-րդ դասարանում։ Նրանց որդին՝ Վահանը, Քոլեջի մեր սանն է, հաճախում է Վարդուհի Օսիպովայի քոլեջիկների խումբ։ Նա շատ աշխույժ ու համով հրաշամանուկ  է, սիրում է լողալ, հեծանիվ քշել Քոլեջի միջանցքներում։

IMG-09bf84bbbb092a28f889dcd5dd878985-V.jpg

Լիլիթ Բլեյան
Լիլիթ Բլեյանը ծնվել է 1978թ.-ի հունիսի 2-ին: 4-րդ դասարանից սովորել է կրթահամալիրում, ավարտելուց հետո ընդունվել է ԵՊՀ-ի համալսարան՝ ռոմանագերմանական բաժին։ Ուսումնառության ընթացքում ուսումնասիրել է մի շարք օտար լեզուներ և խորացել հատկապես իսպաներենում։
Լիլիթին՝ ինչպես նաև Աշոտ Բլեյանին, իրավամբ դասում են բացառիկ մարդկանց շարքը: Լիլիթը երգել է դեռ մանկուց: Իր քույր Տաթևը պատմում է, որ երբ իրենք 8-10 տարեկան էին, հայրիկն  իրենց շատ էր տանում վրանային արշավների, և երբ Տաթևը չէր կարողանում քնել ու մայրիկին էր ուզում, կարոտում, Լիլիթը երգում էր նրա համար և արդեն իր իսկ գրած երգերը: Լիլիթը միշտ գտնվել է փնտրտուքների մեջ: Լիլիթը լրագրություն սովորել է Ա1+ հեռուստաընկերությունում: Այդ ժամանակ լրագրության պրոֆեսիոնալ կուրսերի էր մասնակցում և հենց այդտեղից էլ նրան ընտրում են  Ա1+ հեռուստաընկերության աշխատակից: Այնուհետև ամուսնություն, երեխաներ, աշխատանք տարբեր կազմակերպություններում։ Այսօր վստահ կարելի է ասել, որ Լիլիթի ուղին մի երկար քայլք էր մինչև երաժշտություն՝ համալսարան, լրագրություն․․․ Նա փորձել է իրեն գտնել տարբեր ասպարեզներում և երկար ճանապարհ անցնելով՝ ի վերջո ճիշտ տեղում է հայտնվել․ այսօր նա հեղինակային երգի վարպետ կատարող է, ստեղծագործում է, հյուրախաղերով ելույթներ  ունենում մի շարք երկներում՝  Շվեցարիայում, Բելգիայում, Ֆրանսիայում, հետաքրքիր համերգներով հաճախ է ելույթներ ունենում նաև մեր մայրաքաղաքում։ Եվ հենց այսօր՝ նոյեմբերի 8-ին, «Երաժշտական կասկադ»  նախագծի շրջանակում Գաֆեսչյան արվեստի կենտրունում Լիլիթը հանդես է գալու  հերթական մենահամերգով։

Լիլիթի երկու դուստրերը՝ Արաքսը և Սոնան, նույնպես կրթություն ստացել են կրթահամալիրում։

20121315_1692171734148954_4643595601454618820_o

Շուշան Բլեյան
Շուշան Բլեյանը ծնվել է 1995թ.-ին, հուլիսի 13-ին: Առաջին դասարանից մինչև դպրոցն ավարտելը սովորել է կրթահամալիրում: Ավարտելուց հետո ընդունվել է Երևանի Կոմիտասի անվան պետական կոնսերվատորիա՝ դասական վոկալի բաժին: Կոնսերվատորիայում մեկ տարի սովորելուց հետո տեղափոխվել է Ավստրիա՝ Վիեննայի երաժշտության և կատարողական արվեստի համալսարան, և մինչ օրս էլ այնտեղ է: Շուշանը ոչ միայն սովորում է, այլև աշխատում, համերգներով հանդես գալիս Վիեննայի տարբեր սրահներում, շրջագայում եվրոպական երկրներում։ Ամառային արձակուրդներին լինում է Երևանում և անպայման այցելում սիրելի կրթահամալիր։ Եվ ոչ միայն այցելում, այլև իր սիրելի նվագակցողի ու ուսուցչի՝ Լիլիթ Առաքելյանի հետ համերգներով հանդես գալիս  կրթահամալիրի «Սեբաստիա» համերգասրահում։

IMG-e3ae46373a63f4a047be8f6ae5dabbd7-V.jpg

Բլեյան գերդաստանի սեբաստացիական տոհմածառը գրի առան Մերի Համբարձումյանը,  Անիտա Գևորգյանը, Լիլիա Սոսոյանը, Քոլեջ, 2-րդ կուրս

 

 

Սերգեյ Փարաջանովի թանգարան

29.05.2019 Այսօր հագուստի մոդելավորում  և զարդակիրառական արվեստ  բաժինների  ուսանողների  հետ, ընկեր  Թերեզի  և  ընկեր  Մերիի  ուղեկցությամբ, գնացինք  Սերգեյ  Փարաջանովի  թանգարան։ Продолжить чтение «Սերգեյ Փարաջանովի թանգարան»

Ճամփորդություն դեպի Գյումրի

Հոկտեմբերի  19-ին  քոլեջի  մի  խումբ  ուսանողների  և  Պատվելի  Թամարի  ուղեկցությամբ  գնացինք  Գյումրի։ Առաջին  հերթին  այցելեցինք  Սուրբ  Ամենափրկիչ  եկեղեցին, որը  քանդվել  էր  երկրաշարժից, սակայն  Продолжить чтение «Ճամփորդություն դեպի Գյումրի»